info@hellomalayali.com
22 April 2019 Monday 10:00 AM
Top Ad
Posted Date: 29 November 2018 ആരോഗ്യം പരിഗണിക്കാതെ സുരേന്ദ്രനെ തെക്ക് വടക്ക് നടത്തിച്ച്‌ പൊലീസ്, ഇന്നലെ പൊടി തട്ടി എടുത്തത് ആറ് കേസുകള്‍ക്കുള്ള വാറണ്ട്
ആരോഗ്യം പരിഗണിക്കാതെ സുരേന്ദ്രനെ തെക്ക് വടക്ക് നടത്തിച്ച്‌ പൊലീസ്, ഇന്നലെ പൊടി തട്ടി എടുത്തത് ആറ് കേസുകള്‍ക്കുള്ള വാറണ്ട്

തിരുവനന്തപുരം : ശബരിമലയിലേക്കുള്ള യാത്രയ്ക്കിടെ നിലയ്ക്കലില്‍ നിന്നും പൊലീസ് കസ്റ്റഡിയിലെടുത്ത് ജയിലിലടച്ച ബി.ജെ.പി ജനറല്‍ സെക്രട്ടറി കെ.സുരേന്ദ്രനെ പൂട്ടാനുറച്ച്‌ പൊലീസ്. കഴിഞ്ഞ ദിവസം പൂജപ്പുര സെന്‍ട്രല്‍ ജയിലില്‍ എത്തിയ സുരേന്ദ്രന് ലഭിച്ചത് പഴയ ആറ് കേസുകളുടെ പ്രൊഡക്ഷന്‍ വാറണ്ടുകളാണ്. തിരുവനന്തപുരം,പത്തനംതിട്ട,എറണാകുളം,കോഴിക്കോട് എന്നീ ജില്ലകളിലെ സ്‌റ്റേഷനുകളില്‍ മുന്‍പ് രജിസ്റ്റര്‍ ചെയ്ത കേസുകളിലാണ് നടപടിയെടുക്കാന്‍ ഇപ്പോള്‍ വാറണ്ടുകള്‍ അയച്ചിരിക്കുന്നത്. രണ്ട് ദിവസം മുന്‍പാണ് കൊട്ടാരക്കര സബ് ജയിലില്‍ നിന്നും സുരേന്ദ്രനെ കണ്ണൂര്‍ കോടതിയിലെത്തിച്ചിരുന്നത്. ഇവിടെ നിന്നും തിരികെ കൊട്ടാരക്കര കോടതിയിലും അവിടെ നിന്നും തിരുവനന്തപുരം പൂജപ്പുര സെന്‍ട്രല്‍ ജയിലിലും എത്തിക്കുകയായിരുന്നു. കൊട്ടാരക്കരയില്‍ നിന്നും പൂജപ്പുര സെന്‍ട്രല്‍ ജയിലിലേക്ക് മാറ്റണമെന്ന് സുരേന്ദ്രന്‍ കോടതിയില്‍ ആവശ്യപ്പെട്ടിരുന്നു. എന്നാല്‍ ഒന്നിന് പിറകെ ഒന്നായി പഴയ കേസുകള്‍ പൊലീസ് പൊടി തട്ടി എടുക്കുമ്ബോള്‍ വിവിധ ജില്ലകളിലെ കോടതികളിലേക്ക് സുരേന്ദ്രനെയും കൊണ്ടുള്ള യാത്രകള്‍ തുടരാനാണ് സാദ്ധ്യത.

അതേസമയം സുരേന്ദ്രന്റെ ആരോഗ്യം പരിഗണിക്കാതെയുള്ള പൊലീസ് നടപടി മനുഷ്യാവകാശങ്ങളുടെ ലംഘനമാണെന്ന് ബി.ജെ.പി ആരോപിച്ചു.

FreeCurrencyRates.com
Right Ad
Right Ad