info@hellomalayali.com
16 December 2018 Sunday 02:47 PM
Top Ad
Posted Date: 28 November 2018 സിറ്റിയെ സമനിലയില്‍ പിടിച്ചു കെട്ടി ലിയോണ്‍
സിറ്റിയെ സമനിലയില്‍ പിടിച്ചു കെട്ടി ലിയോണ്‍

മാഞ്ചസ്റ്റര്‍ സിറ്റി ആക്രമണത്തിന് അതേ നാണയത്തില്‍ മറുപടി പറഞ്ഞ് ഫ്രഞ്ച് ക്ലബ്ബ് ലിയോണ്‍. ചാമ്ബ്യന്‍സ് ലീഗ് ഗ്രൂപ്പ് ഘട്ട പോരാട്ടത്തില്‍ ഇരുവരും 2-2 ന്റെ സമനിലയില്‍ പിരിഞ്ഞു. മത്സരം സമനിലയില്‍ ആയെങ്കിലും സിറ്റി നോകൗട്ട് ഉറപ്പാക്കി.

ലിയോണിന്റെ മൈതാനത്ത് നടന്ന മത്സരത്തില്‍ സിറ്റി ആക്രമണത്തെ തുടക്കം മുതല്‍ മികച്ച രീതിയില്‍ പ്രതിരോധിച്ചാണ് ലിയോണ്‍ സമനില നേടിയത്. ഗോള്‍ രഹിതമായിരുന്നു ആദ്യ പകുതി. രണ്ടാം പകുതി പത്ത് മിനുട്ട് പിന്നിട്ടപ്പോള്‍ ലിയോണാണ് ആദ്യം വലകുലുക്കിയത്. മെംഫിസ് ഡിഫോയുടെ പാസില്‍ നിന്ന് മാക്സ്വെല്‍ കോര്‍നെറ്റ് ആണ് ഗോള്‍ നേടിയത്. പക്ഷെ 7 മിനിട്ടുകള്‍ക്ക് ശേഷം ലപോര്‍ട്ടിലൂടെ സിറ്റി സമനില നേടി. പക്ഷെ കളി തീരാന്‍ 9 മിനുട്ട് ശേഷിക്കെ കോര്‍നെറ്റ് വീണ്ടും വല കുലുക്കിയതോടെ സിറ്റി പരാജയ ഭീതിയിലായി. പക്ഷെ 2 മിനിട്ടുകള്‍ക്ക് ശേഷം അഗ്യൂറോ സിറ്റിയയുടെ രക്ഷകനാവുകയായിരുന്നു. മഹ്‌റസിന്റെ പാസില്‍ താരം സിറ്റിയുടെ രണ്ടാം ഗോള്‍ നേടി പരാജയം ഒഴിവാക്കി.

ഗ്രൂപ്പില്‍ ഒരു മത്സരം ബാക്കി നില്‍ക്കേ 7 പോയിന്റുള്ള ലിയോണ്‍ രണ്ടാം സ്ഥാനത്താണ്. എങ്കിലും അവസാന മത്സരം ശേഷിക്കെ 5 പോയിന്റുള്ള ശാക്തറിനും ഗ്രൂപ്പില്‍ സാധ്യത ശേഷിക്കുന്നുണ്ട്.

Right Ad
Right Ad